முகப்பு >  செய்திகள் >  தேசிய செய்திகள் >  உ.பி. அரசின் அவலத்தை...

உ.பி. அரசின் அவலத்தை வெளியுலகிற்கு கொண்டுவந்ததற்காக குற்றம் சுமத்தப்பட்ட பத்திரிகையாளர் உயிரிழப்பு! பத்திரிகையாளர்கள் இரங்கல்

உத்தரபிரதேசத்தில் முதல்-மந்திரி யோகி ஆதித்யநாத் அரசின் அவலத்தை வெளியுலகிற்கு கொண்டுவந்ததற்காக போலீஸ் வழக்கு பதிவுசெய்யப்பட்ட பத்திரிகையாளர் பவன் ஜெய்ஸ்வால் உடல்நலக் குறைவால் காலமானார்.
By - தினத்தந்தி
Update: 2022-05-05 12:59 GMT
லக்னோ,

உத்தரபிரதேசத்தில் முதல்-மந்திரி யோகி ஆதித்யநாத் அரசின் அவலத்தை வெளியுலகிற்கு கொண்டுவந்ததற்காக போலீஸ் வழக்கு பதிவுசெய்யப்பட்ட பத்திரிகையாளர் பவன் ஜெய்ஸ்வால் உடல்நலக் குறைவால் காலமானார். 

ஜெய்ஸ்வால், உள்ளூர் பத்திரிகையான ஜன்சந்தேஷ் டைம்ஸில் பணியாற்றி வந்தார். மாநில அரசு நிர்வாகத்தின் அவலத்தை வெளியுலகிற்கு கொண்டுவந்ததற்காக பத்திரிகையாளர் பவன் ஜெய்ஸ்வால் மீது 2019 ஆம் ஆண்டு சதி குற்றம் சாட்டப்பட்டது.

2019 ஆம் ஆண்டு, உத்தரபிரதேச மாநிலம் மிர்சாபூரில் உள்ள ஒரு அரசுப் பள்ளியில் மாணவர்கள் மதிய உணவாக வெறும் உப்புடன் சேர்த்து ரொட்டி சாப்பிடுவதை அவர் படம்பிடித்து மாவட்ட கலெக்டர் உள்பட சம்பந்தப்பட்ட அதிகாரிகளின் கவனத்திற்கும் பொதுவெளியிலும் கொண்டுவந்தார்.

இதனையடுத்து, அவர் காட்டிய வீடியோ ஆதாரத்தை வைத்து, அவரது தகவலின் பேரில் மாவட்ட நிர்வாகம் செயல்பட்டு, பள்ளிப் பொறுப்பாளர் ஆசிரியரை அதிரடியாக சஸ்பெண்ட் செய்தது.

அத்துடன், சாப்பிடுவதைப் படம்பிடித்ததற்காக சதி செய்ததாக அவர் மீது குற்றம் சாட்டப்பட்டது. இது உத்தரபிரதேச அரசை அவதூறு செய்யும் சதி என்று அவர் மீது குற்றம் சுமத்தப்பட்டது.

அப்பகுதியின் வட்டார கல்வி அதிகாரி ஜெய்ஸ்வால் மீது குற்றம் சாட்டினார். அவர் மீது மாவட்ட நிர்வாகம் போலீசில் வழக்குப்பதிவு செய்தது.

இது தொடர்பாக, ஜெய்ஸ்வால் தனது டுவிட்டரில் கூறியதாவது, “என்னுடைய தகவலின் பேரில், மாவட்ட ஆட்சியர் அங்கு சென்று விசாரணை நடத்தி சம்பந்தப்பட்ட நபர்களை சஸ்பெண்ட் செய்தார். இவர்களிடம் கேள்விகள் கேட்கப்பட்டதால் என் மீது வழக்கு பதிவு செய்யப்பட்டுள்ளது. இது பத்திரிகை மீதான தாக்குதல்” என்று பதிவிட்டிருந்தார்.
இதனை தொடர்ந்து, மாநில அரசின் செயலுக்கு கண்டனம் தெரிவித்த இந்திய பத்திரிக்கையாளர்கள் சங்கம்(எடிட்டர்ஸ் கில்டு), வழக்குகளை வாபஸ் பெற வேண்டும் என வலியுறுத்தியது.

அப்போது பாஜக தலைவர் மனோஜ் திவாரியும், ஊழலை அம்பலப்படுத்தியதற்காக முதல் மந்திரி யோகி ஆதித்யநாத் தலைமையிலான உத்தரபிரதேச அரசு ஜெய்ஸ்வாலை கவுரவிக்க வேண்டும் என்று கூறியிருந்தார்.

அதன்பின்னர் இந்த வழக்கில் ஜெய்ஸ்வாலுக்கு அரசாங்கத்தால் விலக்கு வழங்கப்பட்டது.

வாய் புற்றுநோயுடன் நீண்டகாலமாக போராடி வந்த பத்திரிக்கையாளர் ஜெய்ஸ்வால்  சிகிச்சைக்கு பணம் இல்லாமல் தவித்து வந்தார். அவரது மருத்துவச் செலவுகளுக்காக பத்திரிகையாளர்கள் கூட்டம் கூட்டமாக நிதி திரட்டி வந்தனர். 

இந்நிலையில், அவர் இன்று உயிரிழந்தார்.ஜெய்ஸ்வாலின் மறைவுக்கு பல பத்திரிகையாளர்கள் இரங்கல் தெரிவித்தனர்.

பத்திரிகையாளர் பவன் ஜெய்ஸ்வால் மறைந்தாலும் ஊழலை எதிர்த்து தைரியமாக போராடிய அவரது செயல் என்றும் நினைவில் நீங்கா இடம் வகிக்கும்.

மேலும் செய்திகள்

சபரிமலைக்கு பக்தர்கள் கூட்டம் நாளுக்கு நாள் அதிகரிப்பு

'ஒரே நாடு ஒரே தேர்தல் வந்தால் சோவியத் யூனியனில் நடந்தது இந்தியாவில் நடக்கும்' - வைகோ

இந்தியாவின் விண்வெளி பொருளாதாரம் 3 மடங்கு உயரும்: மத்திய இணை மந்திரி ஜிதேந்திர சிங்

இலங்கை அதிபரை வரவேற்ற மத்திய இணை மந்திரி எல்.முருகன்

பீகார்: டிராக்டரை திருட முயன்றதாக கூறி இளைஞர் அடித்துக் கொலை

'ஆயுதங்களை கைவிட்டு சரணடையுங்கள், இல்லையேல்...' - நக்சலைட்டுகளுக்கு அமித்ஷா எச்சரிக்கை

ஜனவரி முதல் நவம்பர் 2024 : ரூ.223 லட்சம் கோடி மதிப்பிலான பணப் பரிவர்த்தனைகள்

மராட்டியம்: வொர்லி பகுதியில் உள்ள பூனம் சேம்பரில் தீ விபத்து

ஆசைக்கு இணங்க மறுத்த பெண் படுகொலை.. உடலை 3 துண்டாக வெட்டிய கொடூரம்: மைத்துனர் வெறிச்செயல்

ஹனிமூனுக்கு வெளிநாடு சென்றுவிட்டு வீடு திரும்பியபோது விபத்து; புதுமண தம்பதி உள்பட 4 பேர் பலி

நீதி கிடைக்கும்வரை அஸ்தியை கரைக்கமாட்டேன்: தற்கொலை செய்த பெங்களூரு பொறியாளரின் தந்தை பேட்டி

மரக்கிளை முறிந்து விழுந்து பைக்கில் சென்ற கல்லூரி மாணவி பலி