டெல்லியில் மேலும் 570- பேருக்கு கொரோனா
கொரோனா தொற்றுடன் சிகிச்சையில் உள்ளவர்கள் எண்ணிக்கை 2,545- ஆக உள்ளது.
புதுடெல்லி,
டெல்லியில் கடந்த சில வாரங்களாக தொற்று பாதிப்பு வேகமாக குறைந்து வருகிறது. அந்த வகையில் கடந்த 24 மணி நேரத்தில் 570- பேருக்கு கொரோனா தொற்று உறுதி செய்யப்பட்டுள்ளது. தொற்று பாதிப்பில் இருந்து மேலும் 730 பேர் குணம் அடைந்துள்ளனர். கொரோனா பாதிப்புக்கு ஒரே நாளில் 4 பேர் பலியாகியுள்ளனர்.
கொரோனா தொற்றுடன் சிகிச்சையில் உள்ளவர்கள் எண்ணிக்கை 2,545- ஆக உள்ளது. தொற்று பாதிப்பு விகிதம் 1.04-சதவிகிதமாக குறைந்துள்ளது. தொற்று பாதிப்பைக் கண்டறிய 54,614- மாதிரிகள் பரிசோதனை செய்யப்பட்டுள்ளன.