தமிழகம்-கர்நாடகம் இடையேயான நதிநீர் பிரச்சினை குறித்து கர்நாடக முதல்-மந்திரி அதிகாரிகளுடன் ஆலோசனை!

டெல்லியில் உள்ள கர்நாடக பவனில் அவர், கர்நாடக எம்.பி.க்கள் மற்றும் கர்நாடகத்தை சேர்ந்த மத்திய மந்திரிகளுடன் ஆலோசனை நடத்தினார். குறிப்பாக நீர்ப்பாசன திட்டங்கள், நதிநீர் இணைப்பு, மேகதாது அணை விவகாரம் குறித்து எம்.பி.க்கள், மத்திய மந்திரிகளின் கருத்துகளை கேட்டறிந்தார்.

இந்த ஆலோசனை கூட்டத்தில் கிருஷ்ணா, மகதாயி உள்ளிட்ட நீர் திட்டங்கள் குறித்து விரிவாக ஆலோசிக்கப்பட்டது. இந்த கூட்டத்தில் வழக்கறிஞர்கள் மற்றும் அமைச்சர்கள், எம்.பி.க்கள்  உடனிருந்தனர். முன்னதாக கர்நாடக முதல் மந்திரி பசவராஜ் பொம்மை நேற்று உள்துறை மந்திரி அமித் ஷாவை சந்தித்து ஆலோசனை நடத்தினார்.