காஷ்மீரில் சாலை விபத்து; 6 பேர் உயிரிழப்பு

கிஷ்த்வார்,

ஜம்மு மற்றும் காஷ்மீரின் கிஷ்த்வார் மாவட்டத்தில் கேஷ்வான் நகரில் ஏற்பட்ட சாலை விபத்தில் 5 பேர் சம்பவ பகுதியிலேயே உயிரிழந்து உள்ளனர்.

இந்த விபத்தில் காயமடைந்த நபர் மீட்கப்பட்டு மருத்துவமனைக்கு கொண்டு செல்லப்பட்டார்.  எனினும், அவர் சிகிச்சை பலனின்றி உயிரிழந்து விட்டார்.  இதனால் மொத்த பலி எண்ணிக்கை 6 ஆக உயர்ந்து உள்ளது.

இந்த விபத்து ஏற்பட்டதற்கான காரணம் பற்றி உடனடியாக தெரிய வரவில்லை.  இதுபற்றி போலீசார் வழக்கு பதிவு செய்து விசாரணை நடத்தி வருகின்றனர்.