ஊரடங்கு: ஏழை மக்களுக்கு இலவச உணவு தானியங்களை மேலும் 3 மாதங்களுக்கு வழங்க வேண்டும் - சோனியா காந்தி

புதுடெல்லி

காங்கிரஸ் இடைக்காலத் தலைவர் சோனியா பிரதமர் மோடிக்கு எழுதி உள்ள கடிதத்தில் கூறி இருப்பதாவது:-

லட்சக்கணக்கான புலம்பெயர்ந்தோர் உட்பட கொரோனா வைரஸ் ஊரடங்கால் மோசமாக பாதிக்கப்பட்டுள்ள ஏழைக் குடும்பங்களுக்கும் 5 கிலோ இலவச உணவு தானியங்களை மூன்று மாதங்களுக்கு நீட்டிக்குமாறு காங்கிரஸ் தலைவர் சோனியா காந்தி பிரதமர் நரேந்திர மோடியிடம் கேட்டுக் கொண்டார். 

நாட்டில் மிகவும் பாதிக்கப்படக்கூடிய  மக்கள் எதிர்கொள்ளும் பசி நெருக்கடிக்கு தீர்வு காண உணவு உரிமைகள் விரிவாக்கப்பட வேண்டும்"

நாடு கடுமையான ஊரடங்கில் கிட்டத்தட்ட மூன்று மாதங்கள் கழித்து, லட்சக்கணக்கானவர்கள் வறுமை அபாயத்தில் உள்ளனர். வாழ்வாதாரங்களில் ஏற்படும் மோசமான தாக்கம் நாள்பட்ட உணவுப் பாதுகாப்பின்மைக்கு வழிவகுத்தது ... இலவச உணவு தானியங்களுக்கான ஏற்பாட்டை மேலும் ஒரு காலத்திற்கு நீட்டிக்க அரசாங்கம் பரிசீலிக்க வேண்டும்

ஏப்ரல் முதல் ஜுன் மாதம் வரை ரேஷன் அட்டைதாரர்களுக்கு இந்த உணவு தானியங்களை, மேலும் 3 மாதங்களுக்கு நீட்டித்து செப்டம்பர் வரை வழங்க வேண்டும் என்று பல மாநிலங்கள் மத்திய அரசை கேட்டுக் கொண்டுள்ளதையும் மத்திய அரசு கருத்தில் கொள்ள வேண்டும் என அதில் கூறி உள்ளார்.