மத்திய பிரதேச மாநிலத்தில் பயிற்சி விமானம் விபத்தில் சிக்கியது; 2 பேர் பலி

போபால், 

மத்திய பிரதேச மாநிலம், சாகர் மாவட்டத்தில் நேற்று முன்தினம் (வெள்ளிக்கிழமை) இரவு, ஒரு பயிற்சி விமானம், வழக்கமான பயிற்சியில் ஈடுபட்டிருந்தது.

2 இருக்கைகளை கொண்ட அந்த விமானத்தில், மும்பையை சேர்ந்த பயிற்சி விமானி சந்தலும், பயிற்சியாளர் மக்வானாவும் இருந்தனர். அந்த விமானம் சற்றும் எதிர்பாராத வகையில், தானா வான்வழி அருகே வயலில் விழுந்து நொறுங்கியது.

இதில் விமானத்தில் இருந்த 2 பேரும் சம்பவ இடத்திலேயே பலியாகினர். அடர்ந்த மூடுபனி காரணமாக இந்த விபத்து நடந்ததாக தகவல்கள் கூறுகின்றன.

பலியான 2 பேரின் உடல்களும் நேற்று மீட்கப்பட்டு பிரேத பரிசோதனைக்கு பின்னர் குடும்பத்தினரிடம் ஒப்படைக்கப்பட்டன.