மராட்டிய தேர்தல் 2019: அறிமுகத் தேர்தலில் ஆதித்யா தாக்கரே வெற்றி பெறுவாரா?

மும்பை,

மராட்டியம் மற்றும் அரியானா மாநிலங்களில் கடந்த 21-ந்தேதி சட்டசபை தேர்தல் நடைபெற்றது. 288 இடங்களை கொண்ட மராட்டிய சட்டசபைக்கு நடந்த தேர்தலில் 61.13 சதவீத வாக்குகள் பதிவாகின. 90 இடங்களைக் கொண்ட அரியானா சட்டசபைக்கு நடந்த தேர்தலில் 68 சதவீத ஓட்டுகள் பதிவாகின. 

இந்நிலையில் தற்போது மராட்டியம் மற்றும் அரியானா மாநில சட்டசபை தேர்தலுக்கான வாக்கு எண்ணிக்கை தொடங்கி நடைபெற்று வருகிறது

* பாஜக-சிவசேனா தலைமையிலான கூட்டணி தற்போது முன்னணியில் உள்ளது, அதே நேரத்தில் என்சிபி-காங்கிரஸ் கூட்டணி பின்தங்கியிருக்கிறது.

* மராட்டிய மாநில  சட்டசபை தேர்தலில்  முன்னிலை விவரம் வருமாறு : பாஜக 99,   சிவசேனா  60 தொகுதிகளில் முன்னிலை வகிக்கிறது,  தேசியவாத காங்கிரஸ் 48 தொகுதிகளிலும்  காங்கிரஸ்  40 தொகுதிகளிலும் முன்னிலை வகிக்கிறது

* சிவசேனாவின் தலைவர் உத்தவ் தாக்கரேவின் மகன் ஆதித்யா தாக்கரே மகாராஷ்டிரா தேர்தல் 2019-ல் வொர்லி தொகுதியில் இருந்து தனது முதல் தேர்தலில் போட்டியிட்டார். 28 வயதான ஆதித்யா தாக்கரே தேர்தலில் போட்டியிட்ட தாக்கரே குடும்பத்தின் முதல் உறுப்பினராவார். பால் தாக்கரே, உத்தவ் தாக்கரே மற்றும் ராஜ் தாக்கரே என இதுவரை யாரும் போட்டியிட்டது இல்லை. வொர்லி தொகுதியில் இருந்து ஆதித்யா தாக்கரே போட்டியிடுவது சிவசேனா மற்றும் அதன் முதல் குடும்பத்தின் அரசியலில் ஒரு முன்னுதாரண மாற்றத்தைக் குறிக்கிறது.

ஆதித்யா தாக்கரே தேர்தல் அரசியலில் நுழைவது கட்சி அவரை முதலமைச்சராகவோ அல்லது துணை முதல்வராகவோ காட்டக்கூடும் என்பதற்கான சிக்னல்களாக இருக்கும்.

ஆதித்யா தாக்கரே தற்போது, சிவசேனாவின் இளைஞர் பிரிவின் தலைவராக உள்ளார்.