ராஜஸ்தானில் இந்திய விமானப்படையின் மிக்-21 விமானம் விபத்தில் சிக்கியது

ராஜஸ்தான் மாநிலம் பிகானரில் இந்திய விமானப்படைக்கு சொந்தமான மிக்-21 ரக விமானம் விபத்தில் சிக்கியது. விமானத்தில் பறவை மோதியதால் விபத்து நேரிட்டுள்ளது.

நால் பகுதியில் இருந்து வழக்கமான பயிற்சிக்காக விமானம் சென்றபோது விபத்து ஏற்பட்டுள்ளது. அதிலிருந்த விமானி வெளியேறி பாராசூட் மூலமாக தப்பினார்.

இச்சம்பவம் தொடர்பாக முழு தகவல்கள் உடனடியாக வெளியாகவில்லை. மிக்-21 விமானங்கள் அதிகமாக விபத்தில் சிக்குவது தொடர்பாக விமர்சனங்கள் இருந்து வருகிறது.

மிக்-21 பிசோன் விமானத்தில் சென்றுதான் அபிநந்தன் பாகிஸ்தானின் எப்-16 விமானத்தை தாக்கி அழித்தார். பாகிஸ்தான் ஏவுகணை வீச்சில் அபிநந்தன் சென்ற விமானமும் சிக்கியது.