இது கதையல்ல நிஜம் படத்தின் புதிய அப்டேட்
இயக்குனர் கண்ணன் ராஜமாணிக்கம் இயக்கத்தில் உருவாகி வரும் திரைப்படம் 'இது கதையல்ல நிஜம்'. இப்படம் வருகிற ஏப்ரல் 7-ஆம் தேதி திரையரங்குகளில் வெளியாகவுள்ளது.
இயக்குனர் கண்ணன் ராஜமாணிக்கம் எழுதி இயக்கியுள்ள திரைப்படம் 'இது கதையல்ல நிஜம்'. இதில், 'கால் டாக்ஸி' படத்தில் நடித்த சந்தோஷ் சரவணன் கதாநாயகனாக நடிக்கிறார். இவருக்கு ஜோடியாக 'அறம்', 'சங்கத்தலைவன்' போன்ற படங்களில் நடித்த சுனு லட்சுமி இணைந்துள்ளார். மேலும், இந்த படத்தில் கோவை சரளா, மொட்டை ராஜேந்திரன், ஜெகன், சென்றாயன் போன்ற பலர் முக்கிய கதாபாத்திரத்தில் நடிக்கின்றனர்.
ஏசியாசின் மீடியா தயாரிக்கும் இப்படத்திற்கு தாஜ்நூர் இசையமைக்கிறார். எம்.ஏ. ராஜதுரை ஒளிப்பதிவு செய்கிறார். இந்நிலையில், இப்படத்தின் புதிய அப்டேட் வெளியாகியுள்ளது. அதன்படி, இப்படத்தின் முதல் தோற்ற போஸ்டர் வெளியாகியுள்ளது. இதனை தயாரிப்பாளர் கலைப்புலி எஸ் தாணு தனது சமூக வலைதளத்தில் வெளியிட்டார்.
'இது கதையல்ல நிஜம்' திரைப்படம் வருகிற ஏப்ரல் 7-ஆம் தேதி திரையரங்குகளில் வெளியாகவுள்ளது குறிப்பிடத்தக்கது.