புதிய கோணத்தில் பழிவாங்கும் கதை

புதுமுகங்கள் அமீர் சுஹீல், கோபிகா ஆகிய இருவரும் கதாநாயகன்-கதாநாயகியாக நடிக்கிறார்கள். தயாரிப்பாளர் வினித் மோகன் முக்கிய கதாபாத்திரத்தில் நடித்து இருக்கிறார்.

கதாநாயகன் ஒரு ஆட்டோ டிரைவர். அவர் நேசிக்கும் பெண்ணை, தாதா கும்பலைச் சேர்ந்த ஒருவன் சிதைத்து விடுகிறான். எந்தவித வலிமையான பின்புலமும் இல்லாத கதாநாயகன், தன்னிடம் அரிதாக வந்து சேரும் ஒரு காரை வைத்துக்கொண்டு பழிவாங்க புறப்படுகிறான் என்பதே படத்தின் மூலக்கதை.

கம்பம், குமுளி மற்றும் கேரளாவில் படம் வளர்ந்து இருக்கிறது. வினித் மோகன், பிரகாஷ் வேலாயுதன் ஆகிய இருவரும் தயாரிக்க, ஜிஜேஷ் இயக்குகிறார்.