படப்பிடிப்பை தொடங்கிய நிகில் சித்தார்த் படக்குழு
நிகில் சித்தார்த்தின் 20-வது படத்தை பரத் கிருஷ்ணமாச்சாரி இயக்குகிறார். இப்படம் தமிழ் உட்பட ஐந்து மொழிகளில் உருவாகவுள்ளது.
தெலுங்கு திரையுலகின் பிரபல நடிகரான நிகில் சித்தார்த், ஹேப்பி டேஸ் படத்தின் மூலம் கதாநாயகனாக அறிமுகமானார். பின்னர், அவர் யுவதா, சுவாமி ராரா, கார்த்திகேயா, கார்த்திகேயா 2 போன்ற படங்களில் நடித்து ரசிகர்களை கவர்ந்தார். இயக்குனர் பல்னட்டி சூர்ய பிரதாப் இயக்கத்தில் நிகில் சித்தார்த் நடித்த '18 பேஜஸ்' திரைப்படம் கடந்த ஆண்டு வெளியாகி கலைவையான விமர்சனங்களை பெற்றது.
இதைத்தொடர்ந்து நிகில் சித்தார்த்தின் 20-வது படத்தை மிஷ்கினிடம் பணியாற்றிய பரத் கிருஷ்ணமாச்சாரி இயக்குகிறார். 'சுயம்பு' என பெயரிடப்பட்டுள்ள இப்படம் தமிழ் உட்பட ஐந்து மொழிகளில் உருவாகவுள்ளது. இந்நிலையில், இப்படத்தின் புதிய அப்டேட் வெளியாகியுள்ளது. அதன்படி, 'சுயம்பு' படத்தின் படப்பிடிப்பு இன்று துவங்கியுள்ளது. இதனை படக்குழு போஸ்டர் வெளியிட்டு அறிவித்துள்ளனர்.