ரூ.300 கோடி வசூலை கடந்த 'பொன்னியின் செல்வன் - 2' திரைப்படம் - படக்குழு அதிகாரப்பூர்வ அறிவிப்பு

சென்னை,

இயக்குனர் மணிரத்னம் இயக்கத்தில் ஜெயம் ரவி, விக்ரம், கார்த்தி, திரிஷா, ஐஸ்வர்யா ராய், பிரகாஷ் ராஜ், சரத்குமார், பார்த்திபன், ரகுமான் உள்ளிட்ட பலர் நடிப்பில் கடந்த ஆண்டு வெளியான 'பொன்னியின் செல்வன் - 1' திரைப்படம் இந்திய சினிமாவின் மிகப்பெரிய வெற்றிப்படங்களில் ஒன்றாக அமைந்தது. இந்த திரைப்படம் ரூ.500 கோடிக்கு மேல் வசூலை குவித்தது.

இந்த நிலையில் இந்த படத்தின் இரண்டாம் பாகம் கடந்த ஏப்ரல் 28-ம் தேதி திரையரங்குகளில் வெளியானது. முதல் பாகத்தின் வெற்றியை போலவே இரண்டாம் பாகமும் ரசிகர்கள் மத்தியில் நல்ல வரவேற்பை பெற்று வருகிறது. பெரும் எதிர்பார்ப்பில் வெளியான இந்த படத்தை ரசிகர்கள் திரையரங்குகளில் பிரம்மாண்டமாக கொண்டாடி வருகின்றனர்.

இந்த நிலையில் 'பொன்னியின் செல்வன் - 2' திரைப்படம் உலக அளவில் பாக்ஸ் ஆபீசில் ரூ.300 கோடி வசூலை கடந்துள்ளது. இதனை படக்குழு அதிகாரப்பூர்வமாக அறிவித்துள்ளது.