மியாமி ஓபன் டென்னிஸ்: ஸ்வரேவ் காலிறுதிக்கு முன்னேற்றம்

புளோரிடா,

மியாமி ஓபன் டென்னிஸ் தொடர் அமெரிக்காவின் புளோரிடா நகரில் நடைபெற்று வருகிறது. இதில் முன்னணி வீரர், வீராங்கனைகள் பங்கேற்றுள்ளனர்.

இந்த தொடரில் ஆண்கள் ஒற்றையர் பிரிவில் இன்று நடைபெற்ற 4வது சுற்று (ரவுண்ட் ஆப் 16) ஆட்டம் ஒன்றில் ஜெர்மனி வீரர் அலெக்ஸாண்டர் ஸ்வரேவ், ஆஸ்திரலிய வீரர் ஜோர்டான் தாம்சன் ஆகியோர் மோதினர் .

பரபரப்பான இந்த ஆட்டத்தில் ஆதிக்கம் செலுத்தி சிறப்பாக விளையாடிய ஸ்வரேவ் 7-5, 6-3  என்ற செட் கணக்கில் வெற்றி பெற்றார். இதனால் அவர் காலிறுதி சுற்றுக்கு முன்னேறினார்.