ஐ.எஸ்.எல். கால்பந்து: மும்பை சிட்டி - கேரளா பிளாஸ்டர்ஸ் அணிகள் இன்று மோதல்

கவுகாத்தி,

13 அணிகள் இடையிலான 11-வது இந்தியன் சூப்பர் லீக் (ஐ.எஸ்.எல்.) கால்பந்து தொடர் இந்தியாவில் பல்வேறு நகரங்களில் நடந்து வருகிறது. இந்த தொடரில் கவுகாத்தியில் இன்று மாலை 5 மணிக்கு நடைபெறும் ஆட்டத்தில் நார்த் ஈஸ்ட் யுனைடெட் எப்.சி. - ஒடிசா எப்.சி. அணிகள் மோதுகின்றன.

தொடர்ந்து இரவு 7.30 மணிக்கு மும்பையில் நடைபெறும் ஆட்டத்தில் மும்பை சிட்டி - கேரளா பிளாஸ்டர்ஸ் அணிகள் மோதுகின்றன. இதில் நார்த் ஈஸ்ட் யுனைடெட் எப்.சி. அணி ஆடிய 6 ஆட்டங்களில் 2 வெற்றி, 2 டிரா, 2 தோல்வி கண்டு புள்ளிப்பட்டியலில் 6-வது இடத்தில் உள்ளது. ஒடிசா எப்.சி. அணி ஆடிய 6 ஆட்டங்களில் 2 வெற்றி, 2 டிரா, 2 தோல்வி கண்டு 8-வது இடத்தில் உள்ளது.

கேரளா பிளாஸ்டர்ஸ் ஆடிய 6 ஆட்டங்களில் 2 வெற்றி, 2 டிரா, 2 தோல்வி கண்டு புள்ளிப்பட்டியலில் 9-வது இடத்தில் உள்ளது. மும்பை சிட்டி அணி ஆடிய 5 ஆட்டங்களில் 1 வெற்றி, 3 டிரா, 1 தோல்வி கண்டு 10-வது இடத்தில் உள்ளது.