தென் ஆப்பிரிக்க அணியின் விக்கெட் கீப்பர் பேட்ஸ்மேனான ரியான் ரிக்கல்டனை மும்பை இந்தியன்ஸ் ரூ. 1 கோடிக்கு வாங்கியுள்ளது.
வெஸ்ட் இண்டீஸ் அணியின் கேப்டனான ஷாய் ஹோப் மற்றும் இந்திய விக்கெட் கீப்பரான கே.எஸ். பாரத் இருவரையும் எந்த அணியும் ஏலம் எடுக்கவில்லை.
ஆல் ரவுண்டரான நிதிஷ் ராணாவை ராஜஸ்தான் ராயல்ஸ் அணி ரூ. 4.2 கோடிக்கு வாங்கியுள்ளது.
இந்திய ஆல் ரவுண்டரான குருனால் பாண்ட்யாவை ஏலத்தில் எடுக்க பெங்களூரு - ராஜஸ்தான் அணிகளுக்கு இடையே கடும் போட்டி நிலவியது. இறுதியில் பெங்களூரு அணி ரூ. 5.75 கோடிக்கு வாங்கியது.
சென்னை அணியின் முன்னாள் வீரரான டேரில் மிட்செலை எந்த அணியும் ஏலத்தில் எடுக்கவில்லை.
தென் ஆப்பிரிக்க அணியின் முன்னணி வீரரான மார்கோ ஜான்சனை ஏலத்தில் எடுக்க பஞ்சாப் மற்றும் குஜராத் அணிகள் போட்டியிட்டன. முடிவில் பஞ்சாப் ரூ. 7 கோடிக்கு அவரை வாங்கியது.
தமிழக வீரரான வாஷிங்டன் சுந்தரை ரூ. 3.20 கோடிக்கு குஜராத் டைட்டன்ஸ் வாங்கியுள்ளது.
பெங்களூரு அணியின் முன்னாள் கேப்டனான பாப் டு பிளெஸ்சிஸை ரூ. 2 கோடிக்கு டெல்லி கேப்பிட்டல்ஸ் வாங்கியுள்ளது.
முன்னணி வீரர்களான வில்லியம்சன், கிளென் பிலிப்ஸ், ரகானே, மயங்க் அகர்வால், ஷர்துல் தாகூர் ஆகியோரை எந்த அணியும் ஏலம் எடுக்கவில்லை.