3வது டி20: ஜிம்பாப்வே - பாகிஸ்தான் அணிகள் இன்று மோதல்

புலவாயோ,

ஜிம்பாப்வேவுக்கு சுற்றுப்பயணம் மேற்கொண்டுள்ள பாகிஸ்தான் கிரிக்கெட் அணி தலா 3 போட்டிகள் கொண்ட ஒருநாள் மற்றும் டி20 தொடர்களில் விளையாடி வருகிறது. இதில் ஒருநாள் தொடரை 2-1 என்ற கணக்கில் பாகிஸ்தான் கைப்பற்றியது. இந்த நிலையில் இரு அணிகளுக்கும் இடையேயான டி20 தொடர் நடைபெற்று வருகிறது.

இதில் முதல் இரு ஆட்டங்களில் பாகிஸ்தான் வெற்றி பெற்றது. இதன் மூலம் 2-0 என டி20 தொடரை பாகிஸ்தான் கைப்பற்றியுள்ளது . இந்த நிலையில், ஜிம்பாப்வே- பாகிஸ்தான் அணிகளுக்கும் இடையேயான 3வது மற்றும் கடைசி டி20 போட்டி இன்று நடைபெற உள்ளது.

இந்திய நேரப்படி மாலை 5 மணிக்கு போட்டி தொடங்குகிறது . இந்த போட்டியில் வெற்றி பெற்று தொடரை முழுமையாக கைப்பற்ற பாகிஸ்தான் தீவிரம் காட்டும் . அதேவேளை ஆறுதல் வெற்றி பெறும் முனைப்புடன் ஜிம்பாப்வே அணி விளையாடும்.