பொங்கல் பண்டிகை: மேட்டுப்பாளையம்-ஊட்டி இடையே 2 நாட்கள் சிறப்பு மலை ரெயில் இயக்கம்

ஊட்டி,

கோவை மாவட்டம் மேட்டுப்பாளையத்தில் இருந்து நீலகிரி மாவட்டம் ஊட்டிக்கு மலைரெயில் இயக்கப்பட்டு வருகிறது. இந்த நிலையில் பொங்கல் பண்டிகையையொட்டி சிறப்பு மலைரெயில் இயக்கப்பட உள்ளதாக சேலம் ரெயில்வே கோட்ட நிர்வாகம் அறிவித்து உள்ளது.

அதன்படி மேட்டுப்பாளையத்தில் இருந்து ஊட்டிக்கு வருகிற 16-ந் தேதி, 18-ந் தேதி ஆகிய 2 நாட்கள் சிறப்பு மலைரெயில் இயக்கப்படுகிறது. மேட்டுப்பாளையத்தில் இருந்து ஊட்டிக்கு காலை 9.10 மணிக்கு சிறப்பு மலைரெயில் புறப்பட்டு மதியம் 2.25 மணிக்கு ஊட்டியை சென்றடைகிறது. மேலும் ஊட்டியில் இருந்து மேட்டுப்பாளையத்திற்கு 17-ந் தேதி, 19-ந் தேதி ஆகிய 2 நாட்கள் சிறப்பு மலைரெயில் இயக்கப்படுகிறது. ஊட்டியில் இருந்து மேட்டுப்பாளையத்திற்கு காலை 11.25 மணிக்கு புறப்படும் சிறப்பு மலைரெயில் மாலை 4.20 மேட்டுப்பாளையத்தை வந்தடைகிறது.

இதேபோன்று குன்னூரில் இருந்து ஊட்டிக்கு 16-ந் தேதி, 17-ந் தேதி, 18-ந் தேதி, 19-ந் தேதி ஆகிய 4 நாட்கள் சிறப்பு மலை ரெயில் இயக்கப்படுகிறது. குன்னூரில் இருந்து காலை 8.20 மணிக்கு புறப்படும் சிறப்பு மலைரெயில் காலை 9.40 மணிக்கு ஊட்டியை சென்றடைகிறது. மேலும் ஊட்டியில் இருந்து குன்னூருக்கு 16-ந் தேதி, 17-ந் தேதி, 18-ந் தேதி, 19-ந் தேதி ஆகிய 4 நாட்கள் சிறப்பு மலைரெயில் இயக்கப்படுகிறது. ஊட்டியில் இருந்து மாலை 4.45 மணிக்கு புறப்படும் சிறப்பு மலைரெயில் மாலை 5.55 மணிக்கு குன்னூரை சென்றடைகிறது.