துபாயில் 28-ந் தேதி நடக்கிறது; கலாட்டா குடும்பம் அமைப்பு சார்பில் `தித்திக்கும் தீபாவளி' சிறப்பு கலை நிகழ்ச்சி

துபாய்,

கலாட்டா குடும்பம் அமைப்பு சார்பில் வருகிற தீபாவளி பண்டிகையை முன்னிட்டு `தித்திக்கும் தீபாவளி' என்ற தலைப்பில் சிறப்பு கலை நிகழ்ச்சி துபாய் நாத் அல் செபா பகுதியில் உள்ள ஜெம்ஸ் மாடர்ன் அகாடமி அரங்கில் வருகிற 28-ந் தேதி நடைபெறுகிறது. நிகழ்ச்சியில் இயக்குனர் கே.பாக்கியராஜ் நடுவராக பங்கேற்கும் சிறப்பு நகைச்சுவை பட்டிமன்றம் நடக்கிறது. அதேபோல் அவரது மனைவியும், நடிகையுமான பூர்ணிமா பாக்கியராஜ் சிறப்பு விருந்தினராக கலந்துகொள்கிறார்.

நிகழ்ச்சியில் நடிகரும், டி.வி. நிகழ்ச்சி தொகுப்பாளர்களான ஆர்.ஜே.விக்னேஷ் மற்றும் ஆர்.ஜே.விஜய் ஆகியோர் மேடையில் நகைச்சுவையாக பேசி பார்வையாளர்களை மகிழ்விக்க உள்ளனர். இதில் அமீரகத்தில் வசிக்கும் தமிழகத்தை சேர்ந்த மேடை பாடகர் கோகுல் பிரசாத் பின்னணி இசையில் திரைப்பட பாடல்களை பாட உள்ளார்.

தொடர்ந்து மேடையில் நடனம் உள்ளிட்ட பல்வேறு கலை நிகழ்ச்சிகளும் நடைபெற உள்ளது. நிகழ்ச்சிக்கான முதன்மை ஆதரவை கண்ணன் ரவி குழுமம் வழங்கி உள்ளது. இந்த நிகழ்ச்சிக்கான டிக்கெட்களை இணையத்தளத்தில் பெற்றுக்கொள்ள ஏற்பாடு செய்யப்பட்டுள்ளது.