அபுதாபி
* பாலஸ்தீன மக்களுக்கு நிவாரண பொருட்கள் அனுப்பும் திட்டத்தில் கடந்த 15-ந் தேதி முதல் நேற்று வரை 26 ஆயிரம் உணவு பொருட்கள் அடங்கிய தொகுப்புகள் சேகரிக்கப்பட்டு விமானம் மூலம் அனுப்பப்பட்டுள்ளதாக அமீரக செம்பிறை சங்கம் தகவல் அளித்துள்ளது.
துபாய்
* துபாய் சாலை மற்றும் போக்குவரத்து ஆணையத்தின் சார்பில் நகர்புற விரிவாக்க திட்டங்கள் மேற்கொள்ளப்பட்டு வருகிறது. இதில் மார்கம், லெபாப், அல் லிசைலி மற்றும் ஹத்தா ஆகிய பகுதிகளில் உள்ள உள்புற சாலைகள் மற்றும் தெருவிளக்கு அமைக்கும் பணிகள் 72 சதவீதம் நிறைவடைந்துள்ளதாக அந்த ஆணையம் தகவல் அளித்துள்ளது.
* துபாயில் விளையாட்டு கவுன்சில் சார்பில் நேற்று பெண்களுக்கான நீச்சல், சைக்கிள் ஓட்டுதல் மற்றும் ஓட்டப்பந்தயம் ஆகியவைகள் ஒரே நேரத்தில் இடம்பெறும் டிரைலத்தான் போட்டிகள் தொடங்கியது. இதில் பல்வேறு நாடுகளில் இருந்து 400-க்கும் மேற்பட்ட பெண்கள் கலந்து கொண்டனர்.
ராசல் கைமா
* ராசல் கைமாவில் கேட்பாரற்று கார் நிறுத்தங்களில் நீண்ட காலமாக நிறுத்தப்படும் வாகனங்களை கையாள ஸ்மார்ட் முறை அறிமுகம் செய்யப்பட்டுள்ளதாக போலீசார் தெரிவித்துள்ளனர்.
புஜேரா
* புஜேராவின் பல்வேறு பகுதிகளில் ஆலங்கட்டி மழை பெய்தது. தொடர்ந்து அங்கு நாளை வரை இதேபோல் காலநிலை நீடிக்கும் என வானிலை ஆய்வு மையம் அறிவித்துள்ளது.