காமன்வெல்த் மகளிர் ஆக்கி : இந்திய அணி அரையிறுதி போட்டிக்கு தகுதி..!
இன்று நடைபெற்ற மகளிர் ஆக்கி போட்டியில் 'ஏ' பிரிவில் இடம் பிடித்துள்ள இந்தியா - கனடா அணிகள் மோதின.
Image Courtesy : Hockey India Twitter
பர்மிங்காம்,
72 நாடுகள் பங்கேற்றுள்ள 22-வது காமன்வெல்த் விளையாட்டு போட்டி இங்கிலாந்தின் பர்மிங்காம் நகரில் கோலாகலமாக நடைபெற்று வருகிறது.
இந்த நிலையில் இன்று நடைபெற்ற மகளிர் ஆக்கி போட்டியில் 'ஏ' பிரிவில் இடம் பிடித்துள்ள இந்தியா - கனடா அணிகள் மோதின.இந்த போட்டி இரு அணிகளுக்கும் முக்கியமான போட்டி என்பதால் போட்டி மீது எதிர்பார்ப்பு ஏற்பட்டது.
விறுவிறுப்பான இந்த போட்டியில் சிறப்பாக விளையாடிய இந்திய அணி 3-2 என்ற கோல் கணக்கில் கனடா அணியை வீழ்த்தி இந்திய அணி வெற்றி பெற்றது.இதனால் இந்திய அணி அரையிறுதி போட்டிக்கு தகுதி பெற்றது,