இந்த தினத்தில் வெளியாகிறதா 'அகண்டா 2' பட பர்ஸ்ட் லுக்?
கடந்த 2021-ம் ஆண்டு போயபதி சீனு இயக்கத்தில் வெளியான படம் 'அகண்டா';
ஐதராபாத்,
தெலுங்கு திரையுலகில் முன்னணி நடிகராக இருப்பவர் பாலையா. இவர் தெலுங்கு திரையுலகில் இதுவரை 100-க்கும் மேற்பட்ட படங்களில் நடித்துள்ளார். கடந்த 2021-ம் ஆண்டு போயபதி சீனு இயக்கத்தில் 'அகண்டா' என்ற படத்தில் நடித்திருந்தார். இப்படம் 2021-ம் ஆண்டு வெளியான தெலுங்குப் படங்களில் அதிக வசூல் செய்த ஒன்றாக அமைந்தது.
இதில் பிரக்யா ஜெய்ஸ்வால், ஜகபதி பாபு, பூர்ணா, அவினாஷ், விஜி சந்திரசேகர் உள்ளிட்டோர் நடித்திருந்தனர். இந்த படத்தின் மாபெரும் வரவேற்பினைத் தொடர்ந்து 2-ம் பாகத்திற்கான அறிவிப்பு வெளியாகி முதல்கட்ட படப்பிடிப்பு நடைபெற்றது. முதல் பாகத்தில் பணிபுரிந்த தொழில்நுட்பக் குழுவினரே இரண்டாம் பாகத்திலும் பணிபுரிகின்றனர். இந்த படத்திற்கு தமன் இசையமைக்கிறார்.
இப்படம் வரும் செப்டம்பர் மாதம் 25-ந் தேதி வெளியாக உள்ளநிலையில், தற்போது படத்தின் படப்பிடிப்பு ஐதராபாத்தில் நடந்து வருகிறது. இந்நிலையில், இப்படத்தின் பர்ஸ்ட் லுக் குறித்த முக்கிய தகவல் ஒன்று வெளியாகி உள்ளது. அதன்படி, வருகிற 26-ம் தேதி மகா சிவராத்திரி அன்று 'அகண்டா 2' பட பர்ஸ்ட் லுக்கை வெளியிட படக்குழு திட்டமிட்டுள்ளதாக தெரிகிறது.