பிரதமர் மோடி இன்று மாலை பாஜக அலுவலகம் செல்கிறார்

மராட்டிய மாநிலத்தில் நடைபெற்ற சட்ட சபை தேர்தலில் பாஜக கூட்டணி அபார வெற்றி பெற்றுள்ளது. இதேபோல உத்தர பிரதேச சட்ட சபை இடைத்தேர்தலிலும் அக்கட்சி அதிக இடங்களில் முன்னிலையில் உள்ளது. இதையடுத்து, டெல்லியில் உள்ள பாஜக தலைமை அலுவலகத்திற்கு பிரதமர் மோடி இன்று மாலை 6 மணிக்கு செல்ல இருப்பதாக தகவல்கள் வெளியாகியுள்ளன. பாஜக அலுவலகத்தில் மோடி, தொண்டர்களை சந்திக்க உள்ளதாகவும் கூறப்படுகிறது. மோடிக்கு உற்சாக வரவேற்பு அளிக்க பாஜகவினர் முடிவு செய்துள்ளனர்.