விஜயகாந்தின் உடல் அடக்கம் செய்யப்படும் இடத்தில்... ... சந்தனப் பேழையில் வைத்து விஜயகாந்த் உடல் நல்லடக்கம்

விஜயகாந்தின் உடல் அடக்கம் செய்யப்படும் இடத்தில் பொதுமக்களுக்கு அனுமதி இல்லை - காவல்துறை தகவல்

மறைந்த தேமுதிக தலைவர் விஜயகாந்தின் உடல் நல்லடக்கம் செய்யப்படும் கோயம்பேடு தேமுதிக அலுவலகத்தில் பொதுமக்களுக்கு அனுமதி இல்லை என்று காவல்துறை தெரிவித்துள்ளது. கூட்ட நெரிசலை தவிர்க்கும் வகையில் குடும்பத்தினர் மற்றும் உறவினர்கள் உட்பட 200 பேருக்கு மட்டுமே அனுமதி அளிக்கப்பட்டுள்ளதாக தெரிவிக்கப்பட்டுள்ளது.

விஜயகாந்தின் உடலை நல்லடக்கம் செய்யும் நிகழ்வில் கவர்னர் ஆர்.என்.ரவி, முதல்-அமைச்சர் மு.க.ஸ்டாலின் பங்கேற்க உள்ளதாக தகவல்கள் வெளியாகியுள்ளன. கோயம்பேட்டில் உள்ள தேமுதிக அலுவலகம் காவல்துறையின் 3 அடுக்கு பாதுகாப்பு கட்டுப்பாட்டுக்குள் கொண்டுவரப்பட்டுள்ளது. மேலும் தேமுதிக அலுவலகம் அருகே கூடியிருக்கும் பொதுமக்கள் கலைந்து செல்லுமாறு காவல்துறையினர் அறிவுறுத்தி உள்ளனர்.