ஆசிய விளையாட்டு: தடகள போட்டியில் இந்தியாவுக்கு முதல் பதக்கம்

ஆசிய விளையாட்டு போட்டியில் இன்று நடைபெற்ற குண்டு எறிதல் போட்டியில் இந்தியா வெண்கல பதக்கம் வென்றுள்ளது. தடகள பிரிவு போட்டியில் இந்தியாவுக்கு கிடைத்துள்ள முதல் பதக்கம் இதுவேயாகும். மகளிர் குண்டு எறிதல் போட்டியில் இந்தியாவின் கிரன் பலியான் 17.36  மீட்டர் தூரம் வீசி வெண்கலம் வென்றார். தனது மூன்றாவது முயற்சியில் இதை அடைந்தார். இதே போட்டியில் சீனாவின் லிஜிஜோ கோங் மற்றும் ஜியாவுன் சாங் ஆகியோர் முறையே 19.58 மற்றும் 18.92 மீட்டர் தூரம் வீசி தங்கம் மற்றும் வெள்ளி பதக்கம் வென்றனர்.