வின்ஸ்டன் சலேம் ஓபன் டென்னிஸ்: காலிறுதிக்கு முன்னேறிய இந்தியாவின் சுரேஷ் இணை

வின்ஸ்டன் சலேம்,

அமெரிக்காவின் வட கரோலினா மாகாணத்தில் வின்ஸ்டன் சலேம் ஓபன் டென்னிஸ் தொடர் நடைபெற்று வருகிறது. இந்த தொடரில் நேற்று நடைபெற்ற ஆண்கள் இரட்டையர் பிரிவின் ரவுண்ட் ஆப் 16 சுற்று ஆட்டம் ஒன்றில் இந்தியாவின் தட்சிணேஸ்வர் சுரேஷ் - பிரிட்டனின் லூகா பவ் இணை, உருகுவேயின் ஏரியல் பெஹா - அர்ஜெண்டினாவின் ஆண்ட்ரேஸ் மோல்டெனி இணையுடன் மோதியது.

இந்த ஆட்டத்தின் முதல் செட்டை 6-4 என்ற புள்ளிக்கணக்கில் சுரேஷ் இணையும், 2வது செட்டை 7-5 என்ற புள்ளிக்கணக்கில் ஏரியல் பெஹா இணையும் கைப்பற்றியது.

இதையடுத்து வெற்றியாளரை தீர்மானிக்கும் 3வது செட்டில் பரபரப்பாக நடைபெற்ற ஆட்டத்தில் அபாரமாக செயல்பட்ட சுரேஷ் இணை 10-8 என்ற புள்ளிக்கணக்கில் ஏரியல் பெஹா இணையை வீழ்த்தியது. இதன் மூலம் சுரேஷ் இணை 6-4, 5-7, 10-8 என்ற செட் கணக்கில் ஏரியல் பெஹா இணையை வீழ்த்தி காலிறுதிக்கு முன்னேறியது.