கொரியா ஓபன் டென்னிஸ்: நிஷியோகா, ஷபோவலோவ் இறுதிப்போட்டிக்கு முன்னேற்றம்

சியோல்,

கொரியா ஓபன் சர்வதேச டென்னிஸ் போட்டி சியோலில் நடந்து வருகிறது.

இதில் இன்று நடைபெற்ற அரையிறுதி போட்டியில் அமெரிக்காவின் ஜென்சன் புரூக்ஸ்பி, கனடாவின் டெனிஸ் ஷபோவலோவை எதிர்கொண்டார். இந்த போட்டியில் ஷபோவலோவ் 7-5, 6-4 என்ற செட் கணக்கில் ஜென்சனை வீழ்த்தி இறுதிப்போட்டிக்கு தகுதி பெற்றார்.

மற்றொரு அரையிறுதி போட்டியில் அமெரிக்க வீரர் அலெக்சாண்டர் கோவாசெவிக், ஜப்பான் வீரர் யோஷிடோ நிஷியோகாவுடன் மோதினார். இந்த போட்டியில் நிஷியோகா 6-3, 4-6, 6-3 என்ற செட் கணக்கில் அலெக்சாண்டரை வீழ்த்தி இறுதிப்போட்டிக்கு முன்னேறினார்.

நாளை நடைபெற உள்ள இறுதிப்போட்டியில் டெனிஸ் ஷபோவலோவ், யோஷிடோ நிஷியோகா இருவரும் மோதுகின்றனர்.