மாநில செஸ் போட்டி சென்னையில் 8-ந் தேதி தொடக்கம்
இந்த போட்டியில் சுமார் 1,000 வீரர், வீராங்கனைகள் கலந்து கொள்வார்கள் என்று எதிர்பார்க்கப்படுகிறது.
சென்னை,
திருவள்ளூர் மாவட்ட செஸ் சங்கம் சார்பில் டி.ஐ. சைக்கிள் நிறுவனம் ஆதரவுடன் 24-வது மாநில செஸ் போட்டி சென்னை திருவேற்காட்டில் உள்ள ஆர்.எம்.கே.சீனியர் செகன்டரி பள்ளியில் வருகிற 8, 9 ஆகிய தேதிகளில் நடக்கிறது.
பள்ளி, கல்லூரி மாணவ-மாணவிகளுக்கான இந்த போட்டியில் இருபாலருக்கும் 8, 10, 12, 15, 25 வயதுக்கு உட்பட்ட பிரிவுகளில் போட்டி நடத்தப்படுகிறது. 7 சுற்றுகளை கொண்ட இந்த போட்டியில் ஒவ்வொரு பிரிவிலும் சாம்பியம் பட்டம் வெல்பவர்களுக்கு சைக்கிள் பரிசாக வழங்கப்படும்.
இந்த போட்டியில் சுமார் 1,000 வீரர், வீராங்கனைகள் கலந்து கொள்வார்கள் என்று எதிர்பார்க்கப்படுகிறது. இந்த தகவலை திருவள்ளூர் மாவட்ட செஸ் சங்க செயலாளர் எஸ்.பலராமன் தெரிவித்துள்ளார்.