ஆசிய ஸ்குவாஷ் சாம்பியன்ஷிப்: முதல் முறையாக தங்கப் பதக்கம் வென்று இந்திய அணி சாதனை
இந்திய ஆடவர் அணி, முதல்முறையாக ஆசிய ஸ்குவாஷ் சாம்பியன்ஷிப் போட்டியில் தங்கம் வென்றது.
Image Tweeted By @SauravGhosal
சியோங்ஜு,
தென் கொரியாவின் சியோங்ஜு நகரில் ஆசிய ஸ்குவாஷ் சாம்பியன்ஷிப் போட்டி நடைபெறுகிறது. இதில் ஆடவர் பிரிவு இறுதிச்சுற்றில், சவுரவ் கோசல் தலைமையிலான இந்திய அணி 2-0 என குவைத் அணியை வீழ்த்தியது. இந்தியாவின் நட்சத்திர வீரரான சவுரவ் கோசல் குவைத்தின் அமர் அல்டாமிமியை 11-9, 11-2, 11-3 என்ற செட்கணக்கில் வீழ்த்தினார்.
மற்றொரு ஆட்டத்தில் ரமித் தாண்டன் 11-5, 11-7, 11-4 என்ற செட்கணக்கில் அலி அரமேசியை வென்றார். கடைசி ஆட்டத்தில் அபய் சிங், பலாஹ் முகமது மோதுவதாக இருந்தது. ஏற்கனவே இந்தியா 2 போட்டிகளிலும் வெற்றி பெற்றதால், இப்போட்டி விளையாடப்படவில்லை.
இதனால் 2-0 என வெற்றி பெற்ற இந்திய ஆடவர் அணி, முதல்முறையாக ஆசிய ஸ்குவாஷ் சாம்பியன்ஷிப் போட்டியில் தங்கம் வென்றது. இதேபோல், இந்திய பெண்கள் அணி அரையிறுதியில் மலேசியாவிடம் 1-2 என தோல்வியடைந்ததால், வெண்கலப் பதக்கம் கிடைத்தது.