காமல்வெல்த்: ஆக்கி போட்டியில் வேல்ஸ் அணியை வீழ்த்தியது இந்தியா

பர்மிங்காம்,

72 நாடுகள் பங்கேற்றுள்ள 22-வது காமன்வெல்த் விளையாட்டு போட்டி இங்கிலாந்தின் பர்மிங்காம் நகரில் கோலாகலமாக நடைபெற்று வருகிறது. தொடக்க விழா நேற்று முன் தினம் முடிவடைந்த நிலையில் இரண்டாம் நாளான நேற்று பல்வேறு விளையாட்டு போட்டிகள் தொடங்கி நடைபெற்று வருகின்றன.

இந்நிலையில் போட்டியின் இன்று இந்தியா- வேல்ஸ் அணிகளுக்கிடையே ஆக்கி போட்டி நடைபெற்றது. அதில் மகளிர் ஆக்கி பூல்-ஏ பிரிவில் நடந்த போட்டியில் வேல்ஸ் அணியை 3-1 என்ற புள்ளி கணக்கில் இந்திய அணி வீழ்த்தியது. இதன்மூலம் தொடர்ந்து இரண்டாவது வெற்றியை இந்திய மகளிர் அணி பதிவு செய்துள்ளது.

முன்னதாக 5-0 என்ற கோல் கணக்கில் கானா அணியை இந்திய மகளிர் அணி வீழ்த்தியது குறிப்பிடத்தக்கது.