மாவட்ட கிரிக்கெட் அணிக்கு வீரர்கள் தேர்வு; சின்னியம்பாளையத்தில் நாளை மறுநாள் நடக்கிறது

தமிழ்நாடு கிரிக்கெட் சங்கம் நடத்தும் மாவட்டங்களுக்கு இடையேயான கிரிக்கெட் போட்டிகளில் பங்குகொள்ள ஈரோடு மாவட்ட அணிக்கு 16 வயது மற்றும் 19 வயதுக்கு உட்பட்ட வீரர்கள் தேர்வு நடைபெற உள்ளது. 19 வயதுக்கு உட்பட்ட வீரர்களுக்கான தேர்வு வருகிற 17-ந்தேதி (நாளை மறுநாள்) காலை 7 மணிக்கும், 16 வயதுக்கு உட்பட்டவர்களுக்கான தேர்வு பிற்பகல் 3 மணிக்கும், சின்னியம்பாளையத்தில் உள்ள கே.சி.எஸ். கிரிக்கெட் மைதானத்தில் நடக்கிறது. விருப்பம் உள்ளவர்கள் பிறப்பு சான்றிதழ், வெள்ளை சீருடை மற்றும் விளையாட்டு உபகரணங்களுடன் கலந்து கொள்ளுமாறு சங்க செயலாளர் ஜாபர் ஆசிக் அலி தெரிவித்துள்ளார்.