சச்சின் தெண்டுல்கரின் 100 சதத்தை விராட் கோலியால் முறியடிக்க முடியுமா ? - ரவி சாஸ்திரி பதில்
தெண்டுல்கரின் 100 சதம் சாதனையை விராட் கோலி முறியடிப்பது எளிதல்ல என்று முன்னாள் கேப்டனும், இந்திய அணி முன்னாள் பயிற்சியாளருமான ரவிசாஸ்திரி தெரிவித்து உள்ளார்.
Image Courtesy : PTI
புதுடெல்லி,
இந்திய அணியின் முன்னணி பேட்ஸ்மேன்களில் ஒருவரான விராட் கோலி சர்வதேச போட்டிகளில் மொத்தம் 75 சதங்கள் (டெஸ்ட் 28 போட்டி , ஒருநாள் போட்டி 46 , டி20 போட்டி 1) அடித்துள்ளார்.
இந்நிலையில் தெண்டுல்கரின் 100 சதம் சாதனையை விராட் கோலி முறியடிப்பது எளிதல்ல என்று முன்னாள் கேப்டனும், இந்திய அணி முன்னாள் பயிற்சியாளருமான ரவிசாஸ்திரி தெரிவித்து உள்ளார்.
இதுதொடர்பாக அவர் கூறியதாவது:
சர்வதேச அளவில் 100 சதங்கள் அடித்தவர் ஒருவரே என்பதை அனைவரும் மனதில் கொள்ள வேண்டும். எனவே அதை யாராவது கடக்க முடியும் என்று சொன்னால் அது பெரிய விஷயம். விராட் கோலி இன்னும் 5 ஆண்டுகள் வரை விளையாட முடியும். அவர் சிறப்பாக விளையாடினாலும் 100 சதங்களை எடுப்பது என்பது கடினமானதே.
இவ்வாறு ரவிசாஸ்திரி கூறியுள்ளார்.