அக்சர் படேல் , டேவிட் வார்னர் அரைசதம்..! மும்பை அணிக்கு 173ரன்கள் இலக்கு நிர்ணயித்தது டெல்லி
19.4 ஓவர்கள் முடிவில் 10விக்கெட் இழப்பிற்கு டெல்லி அணி 172ரன்கள் எடுத்தது
புதுடெல்லி,
ஐ.பி.எல். கிரிக்கெட்டில், டெல்லியில் உள்ள அருண்ஜெட்லி ஸ்டேடியத்தில் இன்றிரவு (செவ்வாய்க்கிழமை) நடக்கும் 16-வது லீக் ஆட்டத்தில் முன்னாள் சாம்பியன் மும்பை இந்தியன்ஸ் அணி, டெல்லி கேப்பிட்டல்சை எதிர்கொள்கிறது.
நடப்பு தொடரில் இன்னும் வெற்றிக் கணக்கை தொடங்காத அணிகள் இவை இரண்டும் தான். . இந்த போட்டிக்கான டாஸ் போடப்பட்டது . அதில் டாஸ் வென்ற மும்பை அணி பந்துவீச்சை தேர்வு செய்தது.அதன்படி டெல்லி அணி முதலில் பேட்டிங் செய்தது.
தொடக்க வீரர்களாக பிரித்வி ஷா , டேவிட் வார்னர் ஆகியோர் களமிறங்கினர். தொடக்கத்தில் ஷா 15 ரன்களில் வெளியேறினார். பின்னர் வார்னர், மனிஷ் பாண்டே இணைந்து சிறப்பாக விளையாடினர்.பந்துகளை பவுண்டரிக்கு விரட்டிய மனிஷ் பாண்டே 26 ரன்களில் ஆட்டமிழந்தார்.
தொடர்ந்து வந்த யாஷ் துல் 2ரன்கள்,ரோவேமென் பவெல் 4ரன்கள் , லலித் யாதவ்2 ரன்கள் எடுத்து அடுத்தடுத்து ஆட்டமிழந்தனர்.
விக்கெட்டுகளை இழந்தாலும் மறுபுறம் நிலைத்து ஆடிய வார்னர் அரைசதம் அடித்தார் .தொடர்ந்து அக்சர் படேல் அதிரடி காட்டினார் . பந்துகளை சிக்சருக்கு பறக்க விட்ட பந்துகளில் அரைசதம் அடித்தார்.
இறுதியில் 19.4 ஓவர்கள் முடிவில் 10விக்கெட் இழப்பிற்கு டெல்லி அணி 172ரன்கள் எடுத்தது. தொடர்ந்து ரன்கள் இலக்குடன் மும்பை அணி விளையாட உள்ளது.