மன்னார்குடி ராஜகோபாலசாமி கோவில் பங்குனி பெருவிழா

மன்னார்குடி,

திருவாரூர் மாவட்டம் மன்னார்குடியில் பிரசித்தி பெற்ற ராஜகோபாலசாமி கோவில் உள்ளது. இந்த கோவிலில் ஆண்டுதோறும் பங்குனி பெருவிழா சிறப்பாக நடப்பது வழக்கம். இந்த ஆண்டுக்கான பங்குனி பெருவிழா கொடியேற்றத்துடன் இன்று(சனிக்கிழமை) தொடங்குகிறது.விழாவில் 20 -ந் தேதி(திங்கட்கிழமை) தங்க சூரிய பிரபை, 22-ந் தேதி தங்க கருடவாகனத்தில் இரட்டை குடை சேவையும், நடக்கிறது.26-ந் தேதி(ஞாயிற்றுக்கிழமை) வெண்ணெய்தாழி உற்சவம் நடக்கிறது. அன்று காலை நவநீத சேபையில் ராஜகோபாலன் பக்தர்களுக்கு காட்சி அளிக்கிறாா். இரவில் தங்க குதிரை வாகனத்தில் ராஜ அலங்காரத்தில் சாமி காட்சி தருகிறார். 27-ந் தேதி(திங்கட்கிழமை) தேரோட்டம் நடக்கிறது.