காமாட்சியம்மன் கோவிலில் 1008 விளக்கு பூஜை
பள்ளிப்பட்டு தாலுகா அடுத்த அம்மையார் குப்பம் கிராமத்தில் காமாட்சியம்மன் கோவிலில் 1008 விளக்கு பூஜை நடைபெற்றது.
பள்ளிப்பட்டு தாலுகா அடுத்த ஆர்.கே.பேட்டை ஊராட்சி ஒன்றியம் அம்மையார் குப்பம் கிராமத்தில் காமாட்சி அம்மன் கோவில் உள்ளது. இந்த கோவிலில் ஆடிவிழா நடைபெற்றது. விழாவையொட்டி கோவிலின் முன்பு 1008 சுமங்கலி பெண்கள் திருவிளக்கு பூஜை நடத்தினர். அதன் பிறகு பக்தர் ஒருவர் இந்த கோவிலுக்கு நன்கொடையாக வழங்கிய அன்ன வாகனத்தில் காமாட்சி அம்மனை அலங்கரித்து கிராம தெருக்களில் ஊர்வலமாக கொண்டு சென்றனர். இந்த விழாவில் சுற்றுவட்டாரங்களில் இருந்து திரளான பக்தர்கள் கலந்துகொண்டு காமாட்சி அம்மனை தரிசனம் செய்தனர். விழாவையொட்டி கோவில் கோபுரங்கள் அனைத்தும் விதவிதமான வண்ண விளக்குகளால் அலங்காரம் செய்யப்பட்டிருந்தது.