இலங்கைக்கு கடந்த மாதம் அதிக அளவில் சுற்றுலா பயணிகள் எந்த நாட்டில் இருந்து வந்தனர்? - வெளியான தகவல்

கொழும்பு,

இலங்கை கடந்த சில மாதங்களாக பொருளாதார நெருக்கடியில் சிக்கித்தவித்து வருகிறது. இதன் காரணமாக அந்நாட்டு மக்கள் அரசுக்கு எதிராக போராட்டத்தில் ஈடுபட்டு வருகின்றனர்.

பொருளாதார நெருக்கடி, போராட்டங்கள் காரணமாக இலங்கையில் சுற்றுலா துறை பெருமளவு பாதிக்கப்பட்டுள்ளது.

இந்நிலையில், இலங்கையில் கடந்த மாதம் அதிக அளவில் சுற்றுலா பயணிகள் எந்த நாட்டில் இருந்து வந்தனர் என்ற தகவலை அந்நாட்டு சுற்றுலாத்துறை அமைச்சகம் வெளியிட்டுள்ளது.

அதன்படி, இலங்கைக்கு கடந்த மாதம் இந்தியாவில் இருந்து அதிக அளவில் சுற்றுலா பயணிகள் வந்துள்ளனர். இந்தியாவில் இருந்து 5 ஆயிரத்து 562 பேர் இலங்கைக்கு சுற்றுலா பயணிகளாக வந்துள்ளனர் என சுற்றுலாத்துறை அமைச்சகம் தெரிவித்துள்ளது. இந்தியாவுக்கு அடுத்தபடியாக இங்கிலாந்தில் இருந்து 3 ஆயிரத்து 723 பேர் இலங்கைக்கு சுற்றுலா பயணிகளாக வந்துள்ளனர் என தெரிவிக்கப்பட்டுள்ளது.