அடையாளம் தெரியாத முதியவர் பிணம்

வேளாங்கண்ணி:

நாகை மாவட்டம் வேளாங்கண்ணி பேராலயத்தின் பின்புறம் படிக்கட்டு அருகே சுமார் 65 வயது மதிக்கத்தக்க ஆண் பிணம் கிடப்பதாக வேளாங்கண்ணி போலீசாருக்கு தகவல் வந்தது. அதன்பேரில் சம்பவ இடத்திற்கு சென்ற போலீசார் பிணத்தை மீட்டு பிரேத பரிசோதனைக்காக நாகை அரசு ஆஸ்பத்திரிக்கு அனுப்பி வைத்தனர். மேலும் இறந்தவர் யார்? எந்த ஊரை சேர்ந்தவர்? என்பது குறித்து வேளாங்கண்ணி போலீசார் வழக்குப்பதிவு செய்து விசாரணை நடத்தி வருகின்றனர்.