திருச்சி- திருவனந்தபுரம் இன்டர்சிட்டி எக்ஸ்பிரஸ் ரெயில் பகுதியாக ரத்து

திருவனந்தபுரம் கோட்டத்தில் பொறியியல் பணிகள் நடைபெறுவதால், திருவனந்தபுரம் ரெயிவே வழிதடத்தில் இயங்கும் ரெயில் சேவைகளில் மாற்றங்கள் செய்யப்பட்டுள்ளன. அதன்படி வண்டி எண் 22627 திருச்சியில் இருந்து காலை 7.20 மணிக்கு புறப்படும் திருவனந்தபுரம் இன்டர்சிட்டி எக்ஸ்பிரஸ் வருகிற 17-ந்தேதி முதல் 22-ந்தேதி வரை 6 நாட்கள் நெல்லையில் இருந்து திருவனந்தபுரம் வரை இயங்காது. இதேபோல் மறுமார்கமாக திருவனந்தபுரத்தில் இருந்து காலை 11.35 மணிக்கு புறப்படும் வண்டி எண் 22628 இன்டர்சிட்டி எக்ஸ்பிரஸ் மேற்கண்ட தேதியில் திருவனந்தபுரம்- நெல்லை இடையே பகுதியாக ரத்து செய்யப்படுகிறது. இந்த ரெயில் நெல்லையில் இருந்து மதியம் 2.25 மணிக்கு புறப்படும். இந்த தகவலை திருச்சி ரெயில்வே கோட்டம் தெரிவித்துள்ளது.