வியாபாரிகள் முன்னேற்ற பாதுகாப்பு சங்க நிர்வாகக்குழு கூட்டம்

நெல்லை வியாபாரிகள் முன்னேற்ற பாதுகாப்பு சங்க நிர்வாகக்குழு கூட்டம், சங்க தலைவர் முகம்மது யூசுப் தலைமையில் நடந்தது. கண்ணன், முகம்மது அனிபா, பொருளாளர் ஜவகர், துணைத்தலைவர் கான்முகம்மது, துணை செயலாளர் செய்யது அலி, சேர் கண்ணன், ஆதிமூலம் ஆகியோர் முன்னிலை வகித்தனர். செயலாளர் ரவிகுமார் வரவேற்று பேசினார்.

கூட்டத்தில் நெல்லையில் காய்ச்சல் பரவலை தடுக்கும் வகையில், வாறுகாலை சுத்தம் செய்து, கொசுமருந்து தெளிக்க வேண்டும். தீபாவளி, சரஸ்வதி பூஜை, ஆயுத பூஜை போன்ற விழாக்காலங்களில் வணிகர்கள் இரவில் நீண்ட நேரம் வணிகம் செய்ய போலீசார் அனுமதிக்க வேண்டும் என்பன உள்ளிட்ட பல்வேறு தீர்மானங்கள் நிறைவேற்றப்பட்டன.

கவுரவ ஆலோசகர் சம்சுதீன், நிர்வாகக்குழு உறுப்பினர்கள் அப்துல் ரஹ்மான்கனி, மாரியப்பன், முகம்மது அலி சித்திக், லட்சுமணன், அருள்தாஸ் உள்பட பலர் கலந்து கொண்டனர்.