கோத பரமேசுவரர் கோவிலில் திருவாதிரை விழா

நெல்லை அருகே சங்காணி கிராமத்தில் பழமை வாய்ந்த கோத பரமேசுவரர் கோவில் அமைந்துள்ளது. இங்கு 80 ஆண்டுகளுக்குப் பிறகு திருவாதிரை விழா நடைபெற்றது. இதையொட்டி ஹோமம், அபிஷேக ஆராதனை, நடராஜர்- சிவகாமி அம்பாள் கோவிலிலிருந்து எழுந்தருளி மேல திருவேங்கடநாதபுரம் பெருமாள் கோவிலுக்கு சென்றடைந்தனர். பின்னர் பவுர்ணமி கிரிவலம் நடைபெற்றது. விழாவில் திரளான பக்தர்கள் கலந்து கொண்டு சாமி தரிசனம் செய்தனர்.

பாதுகாப்பு கருதி நடராஜர்- சிவகாமி அம்பாள் சிலைகள் இதுவரையிலும் பாதுகாப்பு அறைக்குள் வைக்கப்பட்டு இருந்தது. திருவாதிரையை முன்னிட்டு சுவாமி- அம்பாள் சிலைகள் சங்காணி கோவிலுக்கு போலீஸ் பாதுகாப்புடன் கொண்டு வரப்பட்டு கோவில் நிர்வாகிகளிடம் வழங்கப்பட்டது.