காவேரிப்பட்டணம்:
கிருஷ்ணகிரி மாவட்டம் காவேரிப்பட்டணம் அருகே உள்ள மொட்டுகொல்லகொட்டாய் கிராமத்தை சேர்ந்தவர் சுதாகர் (வயது 28). இவர் சம்பவத்தன்று தனது வீட்டின் முன்பு மோட்டார் சைக்கிளை நிறுத்தி இருந்தார். அதை மர்ம நபர்கள் திருடி சென்றனர். அதன் மதிப்பு ரூ.90 ஆயிரம் ஆகும். இது குறித்து சுதாகர் காவேரிப்பட்டணம் போலீசில் புகார் செய்தார். அதன்பேரில் போலீசார் வழக்குப்பதிவு செய்து, மோட்டார் சைக்கிளை திருடி சென்ற மர்ம நபர்கள் குறித்து விசாரித்து வருகின்றனர்.