தொழிலாளி சரமாரி வெட்டிக்கொலை

ஆம்பூர்

ஆம்பூர் அருகே தொழிலாளியை சரமாரியாக வெட்டிக்கொலை செய்த மர்ம நபர்களை போலீசார் தேடி வருகின்றனர்.

சரமாரி வெட்டிக்கொலை

திருப்பத்தூா் மாவட்டம் ஆம்பூர் அருகே கீழ் மிட்டாளம் பகுதியை சேர்ந்தவர் ஜெயபிரகாஷ் (வயது 22). இவர் தனியார் ஷூ கம்பெனியில் தொழிலாளியாக வேலை செய்து வந்தார்.

இந்த நிலையில் இன்று இரவு ெஜயபிரகாசை அதே பகுதியில் மர்ம நபர்கள் சிலர் சரமாரியாக வெட்டி கொலை செய்து விட்டு தப்பி சென்று விட்டனர்.

இதனைக் கண்டு அதிர்ச்சி அடைந்த அப்பகுதி மக்கள் உமராபாத் போலீசாருக்கு தகவல் தெரிவித்தனர்.

மர்ம நபர்களுக்கு வலைவீச்சு

உடனடியாக உமராபாத் போலீசார் சம்பவ இடத்திற்கு விரைந்து வந்து ஜெயபிரகாஷ் உடலை மீட்டு பிரேத பரிசோதனைக்காக ஆம்பூர் அரசு மருத்துவமனைக்கு அனுப்பி வைத்தனர்.

மேலும் ஜெயபிரகாஷ் முன்விரோதம் காரணமாக கொலை செய்யப்பட்டாரா? அல்லது வேறு ஏதாவது காரணமா? என பல்வேறு கோணங்களில் போலீசார் தீவிர விசாரணை நடத்தி வருகின்றனர்.

மேலும் அவரை வெட்டிக்கொலை செய்துவிட்டு தப்பி ஓடிய மர்ம நபர்களை போலீசார் தேடி வருகின்றனர்.

இச்சம்பவத்தால் அப்பகுதியில் பெரும் பரபரப்பு ஏற்பட்டது.