அரியலூர் மாவட்டம், உடையார்பாளையம் போலீஸ் சிறப்பு சப்-இன்ஸ்பெக்டர் சுமதி தலைமையிலான போலீசார் அப்பகுதியில் ரோந்து பணியில் ஈடுபட்டு இருந்தனர். அப்போது த.குடிக்காடு கிராமத்தில் தனது வீட்டின் பின்புறத்தில் மது விற்ற ராமர் மனைவி சாவித்திரி(வயது 45) என்பவரை போலீசார் கைது செய்தனர். தொடர்ந்து அவர் மீது வழக்குப்பதிவு செய்து, அவர் விற்பனைக்காக வைத்திருந்த மது பாட்டில்களை பறிமுதல் செய்து விசாரணை நடத்தி வருகின்றனர்.