பழுதாகி பாதி வழியில் நின்ற அரசுபஸ்

ஏழைகளின் ஊட்டி என்று அழைக்கப்படும் ஏலகிரி மலைக்கு, திருப்பத்தூரில் இருந்து தினசரி அரசு பஸ் மற்றும் தனியார் பஸ்கள் இயக்கப்பட்டு வருகிறது. இந்தநிலையில் திருப்பத்தூர் பஸ் நிலையத்தில் இருந்து ஏலகிரி மலை நிலாவூர் நோக்கி அரசு பஸ் சுமார் 30-க்கும் மேற்பட்ட பயணிகளுடன் சென்றது. ஏலகிரி மலை 10-வது கொண்டை ஊசி வளைவில் சென்றபோது திடீரென பஸ் பழுதாகி நின்றது. இதனையெடுத்து அந்த பஸ்சில் பயணம் செய்த பயணிகள் பஸ்சில் இருந்து இறங்கி நடந்து சென்றனர்.

பின்னர் திருப்பத்தூர் பணிமனையில் இருந்து மெக்கானிக் வரவழைக்கப்பட்டு சரிசெய்யப்பட்டது. கடந்த 3-ந் தேதி இதேபோல் அரசு பஸ் திடீரென பழுதாகி பாதி வழியில் நின்றது. பள்ளி பொது தேர்வு முடிந்து கோடை விடுமுறை விடப்பட்டுள்ளதால் சுற்றுலா பயணிகள் அதிகரிக்கும் வகையில் புதிய பஸ்கள் விட வேண்டும் என கோரிக்கை விடுத்துள்ளனர்.