வியாபாரியை தாக்கியவர் மீது வழக்கு

கோவை

கோவை இடையர்பாளையம் ரோட்டை சேர்ந்தவர் சசிக்குமார் (வயது 43). இவர் காமராஜபுரத்தில் பழைய பேப்பர் கடை வைத்து நடத்தி வருகிறார். இவர் நேற்றுமுன்தினம் மது அருந்த ஆர்.எஸ்.புரம் லாலி ரோட்டில் உள்ள ஒரு டாஸ்மாக் பாருக்கு சென்றார். அங்கு சில வாலிபர்கள் சத்தமாக பேசி கொண்டு இருந்தனர். அவர்களை சசிக்குமார் கண்டித்தார். இதனால் அவர்களுக்கிடையே வாக்குவாதம் ஏற்பட்டது.

இதில் ஆத்திரம் அடைந்த தினேஷ் (28) பீர்பாட்டிலை எடுத்து சசிக்குமாரின் தலையில் தாக்கினார். இதில் படுகாயம் அடைந்த அவரை அங்கிருந்தவர்கள் மீட்டு கோவை அரசு மருத்துவம னைக்கு அனுப்பி வைத்தனர். இது குறித்து ஆர்.எஸ்.புரம் போலீசார் வழக்குப்பதிவு செய்து விசாரணை நடத்தி வருகின்றனர்.