கொலை மிரட்டல் விடுத்த வாலிபர் கைது

தூத்துக்குடி டவுன் துணை போலீஸ் சூப்பிரண்டு சத்தியராஜ் மேற்பார்வையில் மத்தியபாகம் இன்ஸ்பெக்டர் (பொறுப்பு) ராஜாராம் தலைமையில் சப்-இன்ஸ்பெக்டர் முருகப்பெருமாள் மற்றும் போலீசார் ரோந்து பணியில் ஈடுபட்டனர். அப்போது, மணிநகர் பகுதியில் நின்று கொண்டிருந்தவரை பிடித்து விசாரணை நடத்தினர். அவர் தூத்துக்குடி டூவிபுரத்தைச் சேர்ந்த கணேசன் (வயது 33) என்பதும், அந்த வழியாக வந்த ஒருவரை வழிமறித்து பணம் கேட்டு கத்தியை காட்டி கொலை மிரட்டல் விடுத்ததும் தெரியவந்தது. உடனே போலீசார், கணேசனை கைது செய்தனர்.