கஞ்சா வைத்திருந்த வாலிபர் கைது

செங்கோட்டை:

செங்கோட்டையை அடுத்த மண்பொத்தை அருகில் உள்ள ஒரு தென்னந்தோப்பில் ஒருவர் கஞ்சா விற்பனை செய்வதாக செங்கோட்டை தனிப்பிரிவு காவலர் அரவிந்தராஜூக்கு தகவல் கிடைத்தது. உடனே அவர் அங்கு சென்று சோதனை நடத்தி, கஞ்சா வைத்திருந்ததாக செங்கோட்டை பம்பு ஹவுஸ் ரோட்டைச் சேர்ந்த அப்துல் ஜப்பார் மகன் நாகூர் மீரான் என்ற ராஜா (வயது 27) என்பவரை பிடித்து அவரிடம் இருந்து 110 கிராம் கஞ்சாவையும் பறிமுதல் செய்தார். பின்னர் நாகூர் மீரானையும், பறிமுதல் செய்யப்பட்ட கஞ்சாவையும் செங்கோட்டை போலீசில் ஒப்படைத்தார். அதன்பேரில் சப்-இன்ஸ்பெக்டர் சரசையன் வழக்குப்பதிவு செய்து நாகூர் மீரானை கைது செய்தார்.