சிவகிரியில் சிறப்பு பட்டா மாறுதல் முகாம்

சிவகிரி:

முன்னாள் முதல்-அமைச்சர் கருணாநிதியின் நூற்றாண்டு விழாவையொட்டி, இலவச வீட்டுமனை பட்டா மாறுதல், வருவாய் ஆவணங்களில் பிழை திருத்தம் மற்றும் பரப்பு திருத்தம் தொடர்பான சிறப்பு பட்டா மாறுதல் முகாம் சிவகிரி தாலுகா அலுவலகத்தில் 2 நாட்கள் நடைபெற்றது. முகாமை மாவட்ட வழங்கல் அலுவலர் அனிதா தொடங்கி வைத்தார். இதில் பொதுமக்களிடம் இருந்து 470 மனுக்கள் பெறப்பட்டன. நிகழ்ச்சியில் சிவகிரி தாசில்தார் ஆனந்த், மண்டல துணை தாசில்தார் வெங்கடசேகர், வருவாய் ஆய்வாளர் சரவணகுமார் மற்றும் பலர் கலந்து கொண்டனர்.