அரசு பஸ் டிரைவரை தாக்கிய பள்ளி மாணவன் கைது

உளுந்தூர்பேட்டை

உளுந்தூர்பேட்டை அருகே உள்ள மேப்புலியூர் கிராமத்தை சேர்ந்தவர் நடன சபாபதி(வயது 57). அரசு பஸ் டிரைவரான இவர் சில நாட்களுக்கு மன்பு உளுந்தூர் பேட்டையில் இருந்து மாணவ-மாணவிகள் உள்ளிட்ட பயணிகளை ஏற்றிக்கொண்டு மாம்பாக்கம் நோக்கி சென்று கொண்டிருந்தார்.

அப்போது வழியில் பஸ் படிக்கட்டில் தொங்கியபடி பயணம் செய்த மாணவர்களை உள்ளே வரும்படி கூறினார். இதில் ஆத்திரம் அடைந்த மாணவர்கள் டிரைவரை ஆபாசமாக திட்டி தாக்கி மிரட்டினர். இது குறித்து நடனசபாபதி கொடுத்த புகாரின் பேரில் உளுந்தூர்பேட்டை போலீசார் வழக்குப்பதிவு செய்து விசாரணை நடத்தி வந்தனர். இந்த நிலையில் பஸ் டிரைவரை தாக்கியதாக உளுந்தூர்பேட்டை பகுதியை சேர்ந்த 17-வயது பள்ளி மாணவனை போலீசார் கைது செய்து விசாரணை நடத்தி வருகின்றனர்.