பள்ளி மாணவி உள்பட 3 பேர் மாயம்

கிருஷ்ணகிரி மாவட்டத்தில் பள்ளி மாணவி உள்பட 3 பேர் மாயமாகினர். இவர்கள் கடத்தப்பட்டார்களா? என போலீசார் விசாரணை நடத்தி வருகின்றனர்.

பள்ளி மாணவி

கிருஷ்ணகிரியை சேர்ந்த 14 வயது சிறுமி அங்குள்ள பள்ளி ஒன்றில் 9-ம் வகுப்பு படித்து வருகிறார். இந்த நிலையில் மாணவி படிக்கும் நேரத்தில் செல்போனை பயன்படுத்தி வந்தார். இதை பெற்றோர் கண்டித்துள்ளனர். இதனால் மனமுடைந்த மாணவி சம்பவத்தன்று வீட்டில் இருந்து வெளியே சென்றவர் மீண்டும் வீடு திரும்பவில்லை.

இதனால் அதிர்ச்சி அடைந்த பெற்றோர் மகளை பல்வேறு இடங்களில் தேடியும் கிடைக்கவில்லை. இது குறித்து பெற்றோர் கிருஷ்ணகிரி அனைத்து மகளிர் போலீசில் புகார் செய்தனர். அதன்பேரில் போலீசார் வழக்குப்பதிவு செய்துள்ளனர்.

16 வயது சிறுமி

அதே போல போச்சம்பள்ளி அருகே உள்ள கிராமத்தை சேர்ந்த 16 வயது சிறுமி சம்பவத்தன்று வீட்டில் இருந்து வெளியே சென்றார். வெகுநேரமாகியும் அவர் மீண்டும் வீடு திரும்பவில்லை. பெற்றோர் அவரை பல்வேறு இடங்களில் தேடியும் கிடைக்கவில்லை. இதுகுறித்து பெற்றோர் மத்தூர் போலீசில் புகார் செய்தனர். அதன்பேரில் போலீசார் வழக்குப்பதிவு செய்தனர்.

திருமணமான பெண்

மத்திகிரி அருகே உள்ள ஒரு கிராமத்தை சேர்ந்தவர் 26 வயது திருமணம் ஆன பெண் கடந்த 30-ந் தேதி வீட்டில் இருந்து வெளியே சென்றவர் மீண்டும் வீடு திரும்பவில்லை. இது குறித்து பெற்றோர் மத்திகிரி போலீசில் புகார் செய்தனர். அதன்பேரில் போலீசார் வழக்குப்பதிவு செய்துள்ளனர். இவர்கள் 3 பேரும் கடத்தப்பட்டார்களா? என போலீசார் விசாரணை நடத்தி வருகின்றனர்.