பள்ளி பஸ் கிளீனர் போக்சோ சட்டத்தில் கைது

குற்றாலம் அருகே உள்ள குடியிருப்பு தெற்கு தெருவை சேர்ந்தவர் ரமேஷ் (வயது 54). இவர் ஒரு தனியார் பள்ளி பஸ்சில் கிளீனராக வேலை பார்த்து வருகிறார். அந்த பள்ளியில் படிக்கும் ஒரு 4 வயது சிறுமியும் அதே பஸ்சில் சென்று வருவது வழக்கம்.

இதேபோன்று கடந்த 23-ந் தேதி அந்த சிறுமி பள்ளி முடிந்ததும் மாலை வீட்டுக்கு வருவதற்காக பஸ்சில் ஏறினாள். தனியாக இருந்த அந்த சிறுமிக்கு, ரமேஷ் பாலியல் தொல்லை கொடுத்ததாக கூறப்படுகிறது. வீட்டிற்கு வந்ததும் அந்த சிறுமி தனது தாயிடம் இதுகுறித்து கூறியுள்ளாள்.

இதுகுறித்து குற்றாலம் போலீசில் புகார் செய்யப்பட்டது. இன்ஸ்பெக்டர் ராஜகுமாரி விசாரணை நடத்தி, போக்சோ சட்டத்தின் கீழ் வழக்குப்பதிவு செய்து ரமேஷை கைது செய்தார். பின்னர் அவர் செங்கோட்டை ஜூடிசியல் மாஜிஸ்திரேட்டு கோர்ட்டில் ஆஜர்படுத்தப்பட்டு ஜெயிலில் அடைக்கப்பட்டார்.